Health Camp: श्री एकदंत गणेश मंडळाचे कार्य दुवा बरोबर दवा देण्यासारखे - जालिंदर बोरुडे

Darshak
0

 श्री एकदंत गणेश मंडळाच्यावतीने आरोग्य, दंत, नेत्र, मोतिबिंदू शस्त्रक्रिया शिबीर व औषध वाटप

Health Camp: श्री एकदंत गणेश मंडळाचे कार्य दुवा बरोबर दवा देण्यासारखे - जालिंदर बोरुडे



अहमदनगर (प्रतिनिधी)  :-  मोफत शिबीर म्हटलं कि रुग्ण पाठ फिरविंत असतात कारण शिबीरात शस्त्रक्रिया चांगल्या होत नाहीत अशी भिती वाटायची पण सध्या नगर शहर, उपनगरात, ग्रामीण भागात सध्या सेवा-भावी संस्थांनी मोफत नेत्र तपासणी, मोतिबिंदू शस्त्रक्रिया शिबिरे घेवून हजारो रुग्णांना दृष्टी देऊन मोफत शिबीरात चांगले काम होत असल्याचे सिद्ध केले. 

 गणेश जयंती म्हणजे एक धार्मिक कार्यक्रम, या कार्याक्रमाच्या माध्यमातुन मंडळाने मोफत आरोग्य शिबीरे घेवुन मंडळाचे कार्य हे एकप्रकारची परमार्थाची सेवा आहे, दुवा बरोबर दवा देण्यासारखे आहे, असे प्रतिपादन सामाजिक कार्यकर्ते जालींदर बोरुडे यांनी केले.

श्री गणेश जयंती निमित्त दातरंगे मळा येथील एकदंत कॉलनीत श्री एकदंत गणेश मंदीराच्यावतीने गणेश भाविकांना भव्य नेत्र तपासणी, अल्पदरात मोतिबिंदू शस्त्रक्रिया, मोफत आरोग्य तपासणी, दंत तपासणी व मोफत औषध वाटप शिबीराप्रसंगी प्रमुख अतिथी म्हणून बोरुडे बोलत होते. यावेळी  डॉ.प्रशांत सुरकुटला, डॉ.शाम गुरुड, डॉ.प्रतिक्षा कोडम, डॉ.आनंद बोज्जा, शुभम बोज्जा आदींसह मंडळाचे कार्यकर्ते मोठ्या संख्येने उपस्थित होते.

डॉ.प्रशांत सुरकुटला हणाले कि,   शिबिरातही चांगल्या शस्त्रक्रिया होतात हे गरजू रुग्णांना समजल्याने शिबीरांचे महत्व लक्षात आले, चांगला प्रतिसाद प्रत्येक शिबीरास लाभत आहे. श्री एकदंत गणे मंडळ हे 20 वर्षापासून आरोग्य सेवा गरजूंना देत आहे. मंडळाचे हे कार्य गरजूंसाठी फायद्याचे असल्याचे त्यांनी सांगितले.

प्रस्तविकात मंडळाचे श्रीनिवास बुरगुल म्हणाले कि, महागाईच्या काळात आरोग्याकडे सर्वसामान्य नागरीक दुर्लक्ष करतात. त्यामुळे मोठा आजारा होऊन विविध संकटांना सामोरे जावे लागते. अशा गरजु रुणांसाठी गणेश जयंतीनिमित्त मंडळाच्यावतीने एक प्रयत्न म्हणून हे मोफत आरोग्य तपासणी शिबीरे घेण्यात येतात. जेणे करुन गरजु रुग्णांनाचे आरोग्य चांगले राहिल असे सांगुन जयंती उत्सावानिमित्त घेण्यात येणार्‍या विविध उपक्रमांची माहिती दिली.

या आरोग्य  शिबीरात 234  रुग्णांची तपासणी करुन मोफत औषधे वाटप करण्यात आले. डॉ.शाम गरुड, डॉ.प्रशांत सुरकुटला यांनी आरोग्य तपासणी करुन योग्य ते मार्गदर्शन केले. तर  नेत्र तपासणी  शिबिरात 100 रुग्णांनी तपासणी होऊन 44 रुग्ण शस्त्रक्रियेसाठी निवडले. या शिबीरात एच.व्ही.देसाई रुग्णालयाचे डॉ.आनंद बोज्जा व शुभम बोज्जा यांनी रुग्णांनी नेत्र व मोतीबिंदू तपासणी केली. तसेच दंत तपासणी शिबीरात डॉ.प्रतिक्षा कोडम यांनी 58 रुणांची तपासणी केली.

शिबीर यशस्वी करण्यासाठी मंडळाचे सर्व कार्यकर्ते व एकदंत महिला बचत गट सदस्यांनी परिश्रम घेतले. परिसरातील नागरीक मेोठ्या संख्येने उपस्थित होते. या कार्यक्रमाचे सुत्रसंचालन निखिल सग्गम यांनी केले, तर आभार सौ.स्वाती गाजेंगी यांनी मानले.

टिप्पणी पोस्ट करा

0टिप्पण्या

For All Your Feedback and Complain please Mail and Contact us - at darshaknews81@gmail.com

टिप्पणी पोस्ट करा (0)